Dili-Loron-30, fulan-Novembru, Tinan-2023, Majistradu Ministériu Públiku halo eleisaun ba Membru foun Konsellu Superiór Ministériu Públiku (KSMP) nian ho suplente ida, entretantu iha eleisaun ne’ebé komesa hosi oras 15.00 to’o 18.00, kanditu nain rua ho nia membru sumplente ida-ida, mak hanesan, pakote primeiru kompostu hosi, Dr. Jacinto Babo, membru Efetivu no suplente, Dr. Nelson de Carvalho nune’e mós pakote segundu, Dr. Aderito A.P. Tilman, membru Efetivu no suplente , Dr. Pascásio de Rosa Alves.
Entretantu iha eleisaun ne’e votante hamutuk 36, pakote primeiru hetan votu hamutuk 26 no pakote segundu hetan votu hamutuk 8, Abtensaun 1, la vota 1, Nulu 0, nue’e rezultadu ikus hatudu katak pakote hosi Dr. Jacinto Babo mak vitória iha eleisaun refere, hodi asume responsablidade hanesan membru Efetivu ho Suplente iha KSMP durante tinan-4.
Nune’e iha Dr. Babo nia komentáriu liu hosi liña Facebook privadu hateten katak, ‘mezmu iha Instituisaun ida deit ” Ministériu Públiku Timor-Leste “, konsege hatudu katak Demokrásia la’o iha institusaun ne’e. Tanba ne’e la iha ema ida ka pakote ida mak sai vensedór iha prosesu Eleisaun ne’e, ita hotu nia kontribuisaun sai importante hodi dezenvolve Ministériu Públiku iha future tanba ne’e unidade mak sai xave importante hodi enferenta dezáfiu no obstáklu sira mai husi liur/externa. Viva Ministériu Públiku no Viva Majistradu MP Timor-Leste.
Iha biban ne’e mós, majistradu sira ne’ebé la partisipa hodi ezerse sira nia votu direta iha fatin, maibé sira depozita konfiansa ba majistradu seluk hodi ezerse hela sira nia votu.
Komisaun ba eleisaun refere mak hanesan, Dr. Rogeiro Viegas hanesan Prezidente no Dra. Ivónia Guterres ho Dr. Napoleão S. da Silva hanesan vogaís, (Media PJR)