Railaku ─ iha Kinta, loron-2, fulan-Abril, tinan-2019, Prokuradór-Jerál
Repúblika Cabo Verde Dr. Oscar Silva Tavares ho Adjunta Prokuradora-Jerál
Repúblika Portugal Dra. Joana Marques Vidal halo vizita ba Railaku-NCBA hodi
haree, koko-hemu kafé Timor no haree kona-ba oinsá kuda kafé no mós prosesu
produsaun.
Vizita
ida-ne’e la’ós haree de’it ba plantasaun kafé maibé haree mós plantasaun sira
seluk ne’ebé NCBA kuda, aléinde ne’e sira mós ba haree viverus fatin, no mós
haree diretamente prosesu halo adubus orgániku nian.
Iha
vizita hanesan, PJR ho nia ekipa halo mós vizita ba fatin prosesu produsaun
kafé; hahú husi ku’u, tétu, dulas kafé kulit, hafoin klasifika kafé tuir
kategoria númeru. Nune’e mós PJR ho nia ekipa haree fermentasaun kona-ba kafé durante
oras 42 nia laran no habai kafé, vizita fatin demostrasaun kakau, vanilla, no
ikusliu ba vizita fatin sentru treinamentu NCBA nian.
Haktuir
informasaun ne’ebé hato’o husi supervizór NCBA katak NCBA iha plantasaun
hamutuk hektar 13, funsionáriu permanente ema nain 40, no funsionáriu temporáriu
ema nain 47. Tuir planu, NCBA sei kordena ho CCI hodi halo esportasaun adubus
orgániku ba rai liur liuliu sei sirkula iha rai laran. Tenik Supervisor.
Produsaun kafé timor oras ne’e fa’an ona iha loja kafetaria internasionál Starbucks mak hanesan; Washington, Dubai, Portland, Oregon, Moscow, Swissa, Amstrdam no nasaun sira seluk tan ho presu ne’ebé la hanesan ho café sira seluk husi nasaun seluk nian.
José
Almeida dos Santos hanesan Public Supervisor NCBA nian hato’o katak sente
kontente tebes tanba PJR Cabo Verde Dr. Oscar Silva Tavares ho Adjunta PJR
Portugal Dra. Joana Marques Vidal halo ona vizita iha fatin refere, hanesan Timoroan
sente orgullu boot tebes tanba ho vizita ida-ne’e motiva sira atu iha futuru
agrikultór sira badinas liután hodi kuda barak liután, liuliu kafé, kakau, vanila
no produsaun sira seluk tan, atu nune’e ba futuru oin mai bele dezenvolve diak
liután no hasa’e rendimentu ida ne’ebé sustentável hodi bele sustenta povu
agrikultor sira nia nesesidade lorloron nian.
(Madia/PJR)