BAUCAU – Membru sira konsellu suku hosi munisípiu Baucau vizita ba iha Prokuradoria Repúblika Distritál Baucau (PDB) hodi bele haklean koñesimentu ba sistema justisa, liu-liu kona-ba Ministériu Públiku nia knaar.
Durante eventu ne’e, ne’ebé hala’o iha loron-9, fulan-fevereiru, tinan-2017, partisipante sira hamutuk 40 haree funsionamentu servisu sira PDB nian no hetan esplikasaun kona-ba papel importante servisu Ministériu Públiko nian iha ambítu Kódigu Prosesu Penál hosi Prokuradór Repúblika Distritál, Alfonso Lopez, no Prokuradór Repúblika Luis Hernani Rangel.
Lideransa komunitária sira ne’ebé partisipa iha vizita ne’e, ne’ebé organiza hosi Projeto Ba Distritu Ajensia Estadus Unidas ba Dezenvolvimentu Internasionál (akrónimu hosi inglés, USAID) nian, mai hosi suku Tiriloka, Lacoliu, Abafala, Alaua Kraik, Sagadate, Bahamori, Uma Ana Ulo, Fatulia, Bado Ho’o, Soba, Laisorulai de Cima, Macalaco, Uaigae, Defauasi, Gariuai, Loilubo, Osso Huna, Laculiu no Fatulia.
Reprezentante konsellu suku, sr. Aumeliano de Jesus, apresia tebes servisu majistradu Ministériu Públiku nian no agradese tanba liu esplikasaun ne’ebé sira hetan bele hatene lala’ok justisa nian klaru liu tán.
“Durante ne’e, uainhira akontese kazu ruma iha terrenu, tantu ki’ik ka bo’ot, baibain vítima sira halai keixa iha Parlamento Nasionál no PDHJ de’it, agora ami hatene katak no fim sira ne’e hotu tenki mai fali iha Ministériu Públiku tanba sira maka nain ba asaun penal”, nia dehan. (Media PJR)