Dili, Loron-31, Fulan-Agostu, Tinan-2026, Prokuradór Jerál Repúblika, (PJR), Dr. Nelson de Carvalho, kontinua delega Sekretariu Jerál-PJR Sr. Noémio da Silva, partisipa iha reuniaun Konsellu Administrasaun Fundu Infrastrutura (CAFI), hodi aprezenta planu konstrusaun futuru edifísiu Ministériu Públiku Munisípiu Manatuto ba Prezidenti no Membru Ezekutivu Fundu Infraestrutura.
Reuniaun ne’e prezide husi prezidenti (CAFI), atual Sua-Exelénsia Ministru Planeamentu Investimentu Estratéjiku (MPIE), Eng. Gastão Francisco de Sousa, iha Sala Reuniaun Gabinete Ministru Planeamentu Investimentu Estratéjiku, Fatuhada.
Iha aprezentasaun, Sekretáriu Jerál aprezenta, kona-ba pedidu konstrusaun edifísiu Prokuradoria Repúblika Munisípiu Manatuto ba Ministru MPIE ho nia membru ezekutivu fundu infrastrutura sira, nune’e hafoin aprezentasun membru ezekutivu sira aseita no aprova ba futuru kontrusaun edifísiu MP Manatuto iha tinan ida ne’e.
Enkuantu hafoin ida ne’e Prezidenti fundu infrasturura Sua-exelénsia Ministru (MPIE), Eng. Gastão Francisco de Sousa orienta ba ekipa tekníku hodi anúnsiu ba kolsultóriu atu loke konkursu ba dezeñu no BoQ. (Média-PJR)