Dili, loron-29, fulan-Janeiru, tinan-2024, Prokuradór Jerál Repúblika, Dr. Alfonso Lopez halo abertura ba retiru anuál tinan-2023 nian, iha sala reuniaun Prokuradoria Jerál Repúblika-Colmera ho tema “Defini Objetivu Sira ho Responsabilidade no Hametin Koezaun Ministériu Públiku Nian”, retiru anuál ne’e hodi haree ba progresu servisu sira durante tinan-2023 no planu servisu tinan-2024 nian.
Iha retiru ne’e, aprezenta relatóriu anuál hosi rejime espesiál sira nian mak hanesan, Adjunta Prokuradór Jerál Repúblika, Dra. Angelina J. Saldanha, aprezenta konaba Servisu sira hosi Gabinete Sentrál Kombate Korrupsaun no Kriminalidade Organizada (GSKKKO), Adjutu-PJR, Dr. Nelson de Carvalho, aprezenta konaba servisu sira iha Gabinete Sentrál Contensiozu Estadu ba Interese Koletivu no Defusu, Adjuntu-PJR, Dr. Jacinto Babo Soares, aprezenta konaba servisu sira iha Gabinete Kooperasaun Judisiária, Direitu Komparadu no Relasaun Internasionál, nune’e mos aprezenta relatóriu anuál hosi Gabinete Inspesaun Ministériu Públiku, Dra. Zélia Trindade.
Aleinde ne’e aprezenta mos relatóriu anuál hosi Koordenadór sira hanesan, Koordenadóra Prokuradoria Primeira Instánsia Baucau, Dra. Remizia de Fatima da Silva, Koordenadór Prokuradoria Primeira Instánsia Covalima, Dr. Pascasio de Rosa Alves, Koordenadór Prokuradoria Primeira Instánsia Dili, Dr. Aderito P. Tilman, Koordenadór Prokuradoria Primeira Instánsia Oe-Cusse, Dr. Mateus Nessi.
Hafoin termina aprezentasuan relatóriu anuál hosi Rejime espesiál nian, kontinua kedan aprezentasaun relatóriu anuál hosi servisu Apoiu Tékniku Administrativu (SATA) nian ne’ebé aprezenta hosi Sekretáriu Jerál, Gil da Conceição Savio, aleinde ne’e iha sesaun husu no hatan nian, modera husi Dr. Gustavo Morreira da Silva. (Media PGR)