Liquiça- loron-10, fulan-outubru, tinan-2022, Prokurdoria Jerál Repúblika (PJR), liuhosi Prokuradór Repúblika koordenadór Prokuradoria Repúblika Primeira Instánsia (PRPI), realiza sensibilizasaun ida kona-ba “Promosaun no defeza direitu ba Labarik sira nian iha Timor-Leste”, iha salaun Administradór Munisípiu Liquiça nune’e mós hetan partisipasaun máximu hosi Professór no estudante sira husi; Eskola Katolika São João de Barito, Eskola Tékniku Vakasionál, Eskola Bazika Sentrál Munisípiu Liquiça, abertura ba Sensibilizasaun ne’e mak Prezidente Autoridade Munisípiu Liquiça Pedro Paulo Gomes.
Prezidente Autoridade Munisípiu Liquiça, hateten Governu iha knar responsabilidade tomak hodi bele dibulga informasaun kona-ba lei sira iha sosiadade hotu hodi hatene katak Lei mak boot, atu nune’e ema hotu moris iha dignidade, respeita malu ba moris ida ne’enbé prospéru, tuir planu governu nian katak, to’o tinan-2030 Timor-Leste sai husi rendimentu kiik ba rendimentu ida ne’ebé altu ho populasau hotu hodi bele hetan saudavél ba futuru ida ne’ebé di’ak liu.
Prezidente Autoridade ne’e mós hato’o agradese wain ba Prokuradór PRPI, ne’ebé mak iha inisiativa mai divulga informsaun kona-ba Lei Violénsia Doméstika no husu liliu ba estudante no professór sira tenki tau atensaun di’ak hodi rona didi’ak kona-ba materia sira ne’ebé mak Prokuradór sira hato’o.
Iha fatin hanesan, Prokuradór Primeiru Instansia Munisipiu Dili, Dr. Jacinto Babo Soares, liu hosi nia intervensaun hatete “UNICEF iha tinan ida-ne’e suporta Prokuradoria-Jerál Repúblia hodi halo sosilizasaun ba atividade sira, liuliu promosaun no defeza ba direitu menór no mós ba ema defisiente sira, nune’e iha jurisdisaun Prokuradoria Primeira Instasia Munisípiu Dili ho objetivu atu lori Prokuradoria hakbesik ba komunidade liuhosi eskola sira atu nune’e labarik sira bele hetene kona-ba direitu ba labarik nian sira.
Prokuradór ne’e akresenta tan katak, “keta haluha dalaruma ema barak hanoin katak Prokuradór ne’e somente para akuza de’it (akuza ema) maibé Konstituisaun ho estatutu MP rasik hateten katak reprezentante legál ba menór, inkapáz no difisiente no feto sira, ne’e mak MP nia knaar loloos, no hato’o mós ha’u-nia agradesimentu ba Diretór eskola. estudate no konvidadu sira ne’ebé mak husik hela tempu aprendizajen nian hodi mai hamutuk iha fatin ida ne’e hodi bele rona direita informasaun ne’ebé liga ba direitu ba labarik sira nian.
Nune’e mós Prokuradór Repúblika Dr. Napolião Soares da Silva, esplika saida mak Lei Violénsia Doméstika, ba estudante no partisipante sira hotu, katak kualker rezultadu husi hahalok ne’e mak komete husi kontestu familiár hanesan aman ba oan no oan ba aman no inan, nune’e mós ema sira ne’ebé mai hela ho ita, no iha lei mós fó kriteria katak, tenki iha dependésia ekonomiku, banhira mosu krime ruma kona-ba Violénsia Doméstika ka sofrementu fiziku, ne’e mak baibain akontese iha ita nia rai. Kuandu Problema mosu iha uma laran mosu violénsia hasoru fen ou laen ka ba labarik ki’ik viziñu balun rona bele hato’o keixa ba Polísia bele hato’o direita ba MP hodi bele defende imi tuir lei haruka.
Tanba ne’e mak dadus ne’ebé Distritu Judisiál Dili nian korresponde ba territóriu hosi Munisípiu sira, Dili, Aileu, Ermera no Liquiça. Liquiça mak segundu kazu ne’ebé makas entre Ermera ho Aileu ho ninia prosesu krime sira hamutuk, Prosesu 262 kona-ba faktu hirak ne’ebé akontese iha Munisípiu Liquiça, (Media PJR).