Dili-loron-24, fulan-outubru, tinan-2022, Prokuradór Jerál Repúblika, Dr. Alfonso Lopez akompaña  husi Adjunta-PJR, Dra. Remizia de Fátima da Silva no Prezidente Komisasaun Funsaun Públika Dr. Faustino Cardoso, fó pose ba Funsionáriu foun nain-10 ho kategoria tékniku profisionál Grau D nain-2, Grau E nain-6, no Grau F nain-2 iha Sala reuniaun PJR-Colmera.

Iha seriménia pose  ne’e, PJR hato’o ba emposadu sira katak, imi nain-10 ezerse funsaun ida ho loloos ba funsuan ne’e konfia ba imi, tenki kumpri loos devér profisionál, devér espesiál, devár jerál sira no kode etíka ne’ebé hatudu konduta ida ne’ebé onestu integra no etika selae hetan asaun disiplinár bele mós kriminál. Ba futuru konsetra imi nia esforsu hotu hato’o kompeténsia zelo, dedikasaun bele koresponde espetativa ne’ebé kria ona ba imi atu presta servisu públiku ho kualidade.

Iha fatin hanesan, Prezidente Komisaun Funsau Publika Dr. Faustino Cardoso, hatete pose ida  hanesan jestu Kooperasaun institusionál entre estadu sira iha ambitu asegura Boa-Governasaun atu nune’e prosesu rekrutamentu sira ne’e lao tuir duni regras kumpri no halo observansia duni ba prinsipiu fundamentu ne’ebé mak sustenta merítu sira Funsaun Públika nian.

Prezidente KFP salientan tan katak, ita nia komprimísiu atu oinsá mak bele servisu hamutuk hodi kontinua nafatin ba oin, mesmu iha  rejime rua mak iziste iha ne’e, rejime espesiál no rejime jerál, atu nune’e administrativu viabilidade funsionamentu operasionál Ministériu Públiku nian no komponente prinsipál rua husi rejime ne’e tenki servisu hamutuk.

Prezidente KFP fó apresiasaun ba emposadu  sira katak, Prosesu ida ne’e lori ita hamutuk atu sai testamuña,  lori mós Komisaun Funsaun Públika nia naran kongratula ba emposadu sira. Kontinua servisu tuir komprimisiu ne’ebé imi hato’o ona.  Maibé prosesu ida ne’e sei naruk buka aprende liután hodi nune’e fó imi nia apoiu resposabilidade ba área ne’ebé imi haknar-an ba. Tenki halo tuir regra sira ohin imi temi ona iha termu pose ne’e no halo tuir mós Lei Estatutu Funsaun Públiku ninian no imi  nia susesu sei determina husi imi-an rasik, (Media PJR).