Dili-Sexta, loron-04, fulan-agostu, tinan-2023, Prokuradór Jerál Repúblika, Dr. Alfonso Lopez akompaña husi Adjunto-PJR nain-3, no Prezidente Komisasaun Funsaun Públika Dr. Faustino Cardoso, fó pose ba Funsionáriu foun nain-4 ho kategoria tékniku profisionál Grau D nain-1, Grau E nain-2, no Grau F nain-1, no akompaña mos Kordenador PRPID, membru KSMP no ekipa juri, serimónia ne’e hala’o iha Sala reuniaun PJR-Colmera.
Iha serimónia pose ne’e PJR felisite emposadu nain-4 tanba sira hahú etapa foun ida iha sira-nia vida profísionál agora hanesan funsionáriu públiku afetu ba servisu apoiu tékniku administrativu Prokuradoria-Jerál Repúblika SATA nian tanba ne’e tenke kumpre ezijensia sira kunkursu públiku rekrutamentu ne’e realiza tia ona. Buat ne’e ami hein husi ita boot sira mak zelu, dedikasaun, integridade, respeitu, ba lei no orden superior sira, kompetensia hodi ezerse sira-nia funsaun no tarefa ne’ebé atribui ba sira hodi mantein nafatin kompromisu tau nafatin interese sira Prokuradoria-Jerál Repúblika, Ministeriu Públiku no Estadu nian aas liu kualker interese seluk.
PJR mós hato’o agradese ba Komisaun Funsaun Públika liuliu ba Prezidente Komisaun Funsau Públika, ba kolaborasaun ne’ebé fó ona ba Prokuradoria-Jerál Repúblika hodi realiza konkursu rekrutamentu públiku ida ne’e, ba oin mantein nafatin kolaborasaun institusinál no kontinua reforsa liután.
Nune’e mós Prezidente KFP Dr. Faustino Cardoso hato’o, komgratula ba PJR liuhusi polítika oinsa’a mak bele prense kuadru apoiu administrativu ida hodi suporta servisu tipika funsaun MP ninian tuir área kompetensia ida-idak ninian no prosesu ida ne’ebé mak la’o ho responsabilidade, meritu, rigor, tuir prosedimentus legais ne’ebé mak iha, ida ne’e mak dalan ida atu asegura direitu demokrasia realizasaun profisionalismu iha Funsaun Públika.
Prezidente KFP fó mós parabens ba empozadu nain-4, bemvindu mai familia funsaun públika, prontu atu sujeita prinsipiu no valores ne’ebé regula lala’ok funsaun públika nian, imi nia admisaun no imi nia konkistasaun hodi tama iha funsaun públika ne’e foin mak pasu inisiál ida mesmu nune’e imi hatudu duni imi kompetente, ba área vaga ne’ebé mak imi konkore ba imi nain mak klareza ho objetivu katak ami konpetente duni esforsu ba oin mak tenke hatudu imi ninia profisionalismu.
Nia hatutan lori Komisaun funsaun públika nia naran hato’o parabens no kontinua servisu hamutuk mak sei determina susesu realidade empozadu nain-4 nia susesu tanba iha servisu ekipa hamutuk. (Media PJR)