BAUCAU – Prokuradoria Repúblika Distritál Baucau hetan vizita hosi membru sira konsellu suku hosi postu administrativu Vemasse (Baucau), no suku sira Ossu de Cima (Viqueque) no Daudere (Lautém).
Durante vizita ne’e, ne’ebé realiza iha loron-3, fulan-fevereiru, tinan-2017, sira hetan oportunidade bele haree iha prátika no rona diretamente esplikasaun kona-ba kna’ar no funsionamentu servisu Ministériu Públiku nian. Vizita ida ne’e, ho partisipante sira na’in 20, organiza husi NGO Judicial System Monitoring Programme (JSMP), no simu diretamente hosi Prokuradór Repúblika Distritál Baucau, Dr. Alfonso Lopez.