Dili-Sesta, loron-18, fulan-Setembru, tinan-2020, Prokuradór Distritál Dili, Dr. Jacinto Babo Soares ho ekipa MP nian enktrega motorizada hamutuk 151 ba patrimoniu Estadu, iha PNTL kaikoli.
Iha fatin henesan Prokuradór Distritál Dili hateten, ohin MP entrega evidensia motorizada atus ida limanulu resin-ida (151), motorizada hirak-ne’e mai husi Polísia Diresaun tranzitu sira durante halo auto stop, iha tinan-2007 to’o 2018, ne’ebé mak durante ne’e hala’o iha sidade Dili laran, barak mak laiha duokumentu sira komprovativu no laiha karta kondusaun hafoin na’in la mai halo reklamasaun durante tinan barak, hafoin tiha Diresaun Tránzitu hato’o nia relatóriu ba PDD hodi prosesa tuir dalan legal nian, nune’e ohin prosesu ne’e la’o to’o iha Tribunál hodi deside katak sasaán sira ne’e afavór ba estadu.
Nune’e mós, Komandate PNTL Munisipiu Dili Superientendente Henrique da Costa hatutan mós katak, motorizda hirak ne’e hetan aprensaun husi Diresaun tránzitu husi tinan hirak liubá, sasán hirak ne’e okupa espasu ba movimentu pesoál PNTL sira atu halo’o servisu, ho nune’e mak PNTL haruka relatóriu ba MP hodi halo prosesa tuir lei, ho nune’e mak ohin loron motorizada hirak ne’e hetan afavór ba estadu.
Tuir Diretora Interina Patrimóniu Estadu, Timotia P. Marques, ohin, deklara simu motorizada atus ida limanulu resin-ida (151) husi MP ho PNTL. Sásan ne’ebé mak afavór ba estadu, Patrimóniu Estadu sei hala’o tuir modalidade hirak ne’ebé mak iha, sira ne’ebé balu mak di’ak sei halo transferensia ba instituisaun governu nian no balu sei loke konkursu públiku leilaun atu nune’e bele hatama fali reseita ba estadu.
Ekipa ne’ebé mak partisipa iha atividade ne’e, Prokuradór Distritál Dili, Komandate PNTL Munisipiu Dili, Diretora Interina Patrimóniu Estadu, Diretora Jerál PJR ho ekipa. (Media MP)