LIKISÁ – Prokuradoria Repúblika Distritál Dili (PDD) hala’o destruisaun ba objetus arkivu ba krime balun ne’ebé investiga hotu tiha iha sesta-feira (03/02/17), iha Tibar, Munisípiu Likisá.
Despaxu hodi destrói sasan sira ne’e mai hosi Prokuradór Titulár ba kazu sira, no hala’o hosi ofisiál justisa no Polísia Investigasaun PNTL sira. Objetu krimi sira ne’e relasiona ba kazu ofensa integridade simples, esplorasaun ilísita ba jogu, furto agravadu, omisídiu simples no agravadu, ameasa, dano ho violénsia no mós arma bandu, kazu hirak ne’e rejistu iha PDD iha tinan-2015 liu ba. Sasan sira ne’ebé halo destruisaun ne’e inklui kilat manu, meza bola gulin, katana, samurai, fiska ba rama ambon no layan mutin jogu nian. (Media PJR)