Dili-loron-06, fulan-Outubru, tinan-2021, Prokuradór-Jerál Republika (PJR), Dr. Alfonso Lopes, hato’o agradesimentu ba Embaxada Portugal ho Uniaun Europeia ne’ebé liuhosi Progama Apoiu ba Konsolidasaun Estadu Direitu (PACED) ne’ebé oferese ona livru-sira hanesan referénsia iha ámbitu husi Direitu Penál no Prosesuál Penál hodi reforsa liután Biblioteka Jurídiku ba dalen Portugués nian iha Nasaun Timor-Leste.
Iha diskursu PJR “hato’o ninia agradesimentu kona-ba apoiu importante ne’ebé PACED fó hodi konsolida Estadu-de-Direitu iha ita-nia país, tanba doutrina jurídiku iha nia fatin entre fonte-sira Direitu nian hodi hola parte iha sistema sivilista rasik, doutrina portugués ba ita nu’udar interese boot.
PJR akresenta tan katak “Biblioteka jurídika-sira ne’ebé sei entrega, sertamente, sei fó-tulun atu hadia lakuna ezistente iha termu sira livru tékniku, nune’e ami iha razaun hodi agradese ba ita-boot sira nia jestu oinsá atu fó-tulun ami-nia integrasaun iha sistema sivilista ne’ebé ami opta ona, nune’e serimónia ne’e konstitui mai ami hahalok ida ne’ebé signifikadu no kle’an, ne’e, hatudu katak buat ne’ebé ami sustenta la korresponde ba kualkér invensaun infundada.
Iha fatin hanesan, Embaixadór Portugál, José Pedro Machado Vieira, hateten “Ita hotu hatene katak fenómenu kriminál sira hanesan korrupsaun, brankeamentu kapitál sira no tráfiku estupefasiente sira afeta husi forma direta ba boa governasaun husi komunidade ida, hodi koloka iha kauza aliserse sira Estadu-de-direitu, apenas vizaun integradu ida no plurál problema hirak ne’e, hodi envolve diferente instituisaun sira ho kompeténsia iha área sira ne’e, maibé mós liuhosi esforsu husi rede sira kooperasaun iha ámbitu husi bloku rejionál PALOP-TL, sei fó-fatin atu hetan efikásia no sustentabilidade iha resposta sira”.
Partisipa mós iha seremónia ne’e mak, Embaixadór Portugál, Embaixadór Uniaun Europeia, Prezidente Tribunál Rekursu, Komisáriu Komisaun Anti Korrupsaun, Diretór Sentru Formasaun Jurídika no Judisiária, Diretora Unidade Informasaun Finanseira no mós konvidade sira seluk, (Media MP).