Dili, Loron-23, Fulan-Abril, Tinan-2024 Prokuradór Jerál Repúblika (PJR), Dr.Alfonso Lopez ho Adjuntu Prokuadór Repúblika Dr.Nelson de Carvalho hala’o enkontu ho Prezidente Parlamentu Nasionál (PPN), Fernanda Lay, iha sala komférensia Parlamentu Nasionál.
Iha okaziaun ne’e Prezidente Parlamentu Nasionál hateten katak “Prokuradór Jerál Repúblika iha mós relasaun servisu ho parlamentu, tamba ne’e presiza koordena ho pilares estadu sira seluk”.
Tanba sira mós presiza ita nia apoiu ba alterasaun lei no estatutu Ministériu Públiku ne’ebé presiza apoiu hosi parlamentu nian, konserteza se urzente lori mai bele halo prosesu tuir pedidu ne’ebé iha, prosesu sira hotu konkorda ona bele lori mai tamba iha armonizasaun ba lei ita tenke tau matan iha prosesu julgamemtu no prosesu judisiáriu sira ne’ebé tenke aselera inklui investigasaun ne’ebé sira tenke hala’o ho di’ak.