DILI ─ iha segunda-feira, loron-15, fulan-Abril,
tinan-2019, Prokuradór-Jerál Repúblika Dr. José da Costa Ximenes hala’o
enkontru ho Primeiru Ministru Taur Matan Ruak, iha Palásiu Governu.
Liuhosi
enkontru ne’e, Prokuradór-Jerál Repúblika Dr. José da Costa Ximenes entrega
Projetu Proposta Lei Estatutu Ministériu Públiku foun ba Primeiru Ministru Taur
Matan Ruak, ne’ebé antes ne’e, Prokuradór-Jerál Repúblika halo ona diskusaun
aberta ho sosiedade sivil sira no membru Konsellu Superior Ministériu Públiku
sira.
Nune’e
iha loron-5, fulan-Marsu, tinan ida-ne’e, Ministériu Públiku halo diskusaun ho
majistradu sira atu fó ideia kona-ba posiblidade hodi hadia artigu balun ne’ebé
iha estatutu refere, no ikus mai iha loron-5, fulan-Abril Ministériu Públiku
halo konferénsia internasionál hodi fó mós ideia ba Projetu Proposta Lei refere.
Daudaun
ne’e, Prokuradór-Jerál Repúblika haruka ona Projetu Proposta Lei Estatutu
Ministériu Públiku foun ne’e liuhosi via formál ba Ministru Justisa no Ministru
Reforma Lejislativa no Assuntu Parlamentares hodi bele ajenda iha Konsellu
Ministru.
Prokuradór-Jerál
Repúblika haktuir katak “Primeiru Ministru mós haruka ona karta ba instituisaun
relevante sira hodi prepara aprezentasaun ba Planu Asaun Anuál (PAA) tinan-2020.
Iha
fatin hanesan Prokuradór-Jerál Repúblika mós hato’o katak tinan oin Ministériu
Públiku iha posiblidade atu harii tan delegasaun ida iha Munisípiu Manufahi.
Aléinde ne’e, informa
mós kona-ba kuadru majistradu sira ne’ebé oras ne’e halo hela inspesaun ba Primeira
klase no segunda klase no Ministériu Públiku mós manda ona karta ba Ministru Justisa
hodi husu alterasuan ba kuadru pesoál maibé seidauk hetan resposta. Hateten
PJR. (Media/PJR)