Dili-Segunda, Loron-17, fulan-novembru, tinan-2022, Prokuradór Jerál Repúblika. Dr Alfonso Lopez, fó Pose ba Prokuradór Repúblika Koordenadór Prokuradoria Repúblika Primeira Instánsia sira hanesan Dili, Baucau, Suai no Oe-Cusse, PJR mós nomeia Adjunta PJR Dra. Remizia de Fátima da Silva nu’udar Diretora Koordenadora Gabinete Sentrál Kombate Korrupsaun no krime Organizadu (GSKKKO) no mós Sekretariu Jerál-PJR, Gil da Conceição Savio ho Adjunta Sekretaria Jerál Anabela Lesu no Xefe Gabinete, Carlito A. Sousa.
Iha diskursu PJR nian hateten, nomeasaun ida ne’e bazeia ba imi nia esperensia ne’ebé naruk no domíniu liu servisu sira iha diresaun no xefia sira, ho ida ne’e mak konsidera funsaun no resposabilidade ba koordenadór sira.
PJR mós hato’o agradesimentu ba emposadu sira katak, servisu ne’ebé ita boot sira sei halo ba Ministériu Públiku di’ak no mós susesu durante hala’o ita-boot sira-nia knar. PJR husu ba emposadu sira katak, kumpre juramentu ne’ebé ita boot sira presta ho onra, hodi respeita no aplika loloos Konstiotuisaun Repúblika no Lei sira seluk ne’ebé vigora hela ho espiritu dedikasaun ba servisu lor-loron nian.
Nomeiasaun ne’e bazeia ba lei númeru 7/2022 ne’ebé públika iha loron 19, fulan-maiu estatutu Ministériu Públiku, Koordenadór Prokuadoria Repúblika Primeira Instánsia ne’e mai husi kareiara prokuradór primeira klase.
Dr. Jacinto Babo Soares, Koordenadór Prokuradoria Repúblika Primeira Instánsia Dili, Dr. Nelson Carvalho Koordenadór Prokuradoria Repúblika Primeira Instánsia Baucau, Pascásio de Rosa Alves, Koordenadór Prokuradoria Repúblika Primeira Instánsia Suai, Mateus Nessi Koordenadór Prokuradoria Repúblika Primeira Instánsia RAEOA.
Iha ezersísiu ninia kna’ar liuhusi proposta Prokuradór Jerál Repúblika iha reuniaun Konsellu Superiór Ministériu Públiku (KSMP) nian iha fulan Agustu no Setembru tinan-2022 ne’e hala’o nomeisaun ba kargu sira mak hanesan; Sekretariu Jerál-PJR, Adjunta Sekretariu Jerál no Xefe Gabinete-PJR. Iha fulan-Setembru nomeiasaun mak hanesan tuir mai ne’e; Diretora Gabinete Setrál Kombate Korupsaun no Kriminalidade Organizada, Adjunta Prokuradór Jerál Repúblika Dra. Remizia de Fátima da Silva, inklui Prokuradór Repúblika koordenadór Prokuradoria Repúblika Primeira Instánsia (PRPI).
PJR mós hatutan tan katak, Estatutu MP foun Lei númeru 7/2022 loron-19, fulan-maiu tama ba vigor, Ministériu Públiku sei implementa presiza aumenta liután rekursu umanu liuliu Prokuradór Repúblika, Ofisiál justisa no servisu SATA, sira atu nune’e bele haforsa liután servisu MP nian iha future mai,(Media PJR).