Díli – Sesta, loron-06, fulan-Setembru, tinan-2019, Prokuradór-Jerál Repúblika Dr. José da Costa Ximenes, fó Pose ba Sekretária sira iha servisu sentrais no servisu espesialidade inklui mós Sede MP iha Distritu.
Iha biban ne’e, PJR hateten katak “objetivu prinsipál mak
atu atualiza nafatin kualidade servisu nian
no motiva sekretária sira hodi servisu ho di’ak”.
PJR mós hateten katak, ohin fó pose ba sekretária na’in-7,
no hahú desloka sira hodi hala’o
sira-nia servisu iha loron-01,
fulan-Setembru, tinan-2019 iha Prokuradoria sira hanesan; PDD, PDB, PDS, PDO no
koloka ida ba iha Sekretária Superiór
Konsellu Superiór Ministériu Públiku (KSMP), no iha ida mak ka’er kargu rua aleinde
nu’udar Sekretária ba Gabinete Sentrál Kombate Korrupsaun no Kriminalidade
Organizadu (GSKKKO) nia mós nu’udar Sekretaria ba Servisu Kontensiozu Estadu
nian, ida sai Sekretária Superior. Planu ida-ne’e hala’o tiha ona iha tinan-2018, ho planu
ida bé integradu, nune’e, rekruta tiha ofisiál justisa intenasionál ida hodi fó
formasaun ba sekretária sira ne’e iha fulan-Fevereiru. Husi formasaun ne’e
hamosu rezultadu di’ak tebes tanba iha sira na’in-7 mak pasa no ida mak rezigna
an, ho nune’e nomeia tiha na’in-ida hodi
sai nu’udar sekretária interina, no sira seluk permanente.
Iha sorin seluk, PJR mós husu ba sekretária sira atu servisu ho dedikasaun no fó sakrifisiu
tomak ba buat sira ne’ebé mak hanesan sira halo ona iha tempu kotuk liubá, ida-ne’e maka importante,
ita-bo’ot sira-nia servisu fó tulun ba servisu sira Prokuradór Repúblika nian. Keta haluhan katak iha ita-nia servisu ne’e, ema presiza ita-nia servisu tenke ho laran, la’os ho matenek de’it. Ita-boot sira merese duni hetan kargu ida-ne’e no parabens ba ita-boot sira, maibé labele kontente ho rezultadu ne’ebé iha, tanba servisu iha instituisaun ida importante liu mak asumi ho
responsabilidade tomak.
Iha fatin hanesan, empozada
Paulina de Araújo Correia nu’udar Sekretária KSMP nian dehan, ha’u sei halo esforsu
makaas hodi ajuda
servisu majistradu sira nian
bainhira hala’o servisu iha
Prokuradoria sira hanesan; PDD, PDB, PDS no PDO,
no sei kolabora nafatin
ho sekretária sira seluk
relasionadu ho servisu ida-ne’e.
Entertantu Empozadu na’in-7 ne’e promete sei servisu tuir
de’it Lei no normas sira ne’ebé mak estabelese ona iha MP no la haree ba
interese privadu.
Sira ne’ebé partisipa iha serimónia tomada-de-pose mak
hanesan; Adjuntu-PJR Dr. Alfonso Lopez, Defensór Publiku Dr. Cancio Ximenes,
Inspetora MP Dra. Angelina Joanina Saldanha, Membru KSMP Dra. Maria Fátima
Correia no Dr. Rui Pereira dos Santos, Prokuradór Distritál Díli (PDD) Dr.
Jacinto Babo, Prokuradór Distritál Baucau (PDB) Dra. Remizia de Fatima, Prokuradór
Distritál Suai (PDS) Dr. José Elo, no Responsavél GCCCCO Dr. Aderito Tilman,
Responsavél Kontesiozu Estadu, Dr. Pascásio Rosa Alves, Asesór Internasionál,
no Diretora Jerál no mós kargu Xefia sira. (Média PJR)