PJR foun konvoka enkotru ho kargu xefia sira iha Nasionál hodi atualiza servisu MP nian iha tinan-2021

Dili-Kuarta, loron-19, fulan-Maiu, tinan-2021, Prokuradór-Jerál Republika, Dr. Alfonso Lopez, hala’o primeiru enkontru ho kargu xefia sira hodi atualiza servisu sira MP nia durante tinan-2021 nian, iha sala enkontru PJR kolmera-Dili.

Iha enkontru ne’e PJR hateten, hafoin simu pose iha loron-29, fulan-Abril, tinan-2021, simu kna’ar ida todan hodi tau responsável tomak ba servisu MP nian.

“Hau husu ba kargu director no xefia sira nafatin ita hamutuk hodi servi MP, servisu ho responsabilidade ho boa fé hodi lori justisa ba Povu. Funsionáriu SATA  sira tomak servisu ho lolo’os hodi bele responde  ba ita nia nesesidade sira ne’e mak agora ita preokupa, mai ita hamutuk tau hanoin ida hodi buka maneira oinsa bele responde ba difikuldade sira ne’e”. tenik PJR.

PJR hatutan tan katak, tanba ita ema sala nain dala ruma hau mos sala, husu imi hotu nia hanoin ka idea atu bele kompleta hanoin ida hodi bele hadia institusaun ne’ebé ita servi ba, mai ita hamutuk hodi haree ba futuru servisu MP nian.

Nune’e mós PJR  husu ba Diretora Jerál atu bele tau matan ba servisu diresaun finansas nian ho di’ak no tau planu prioridade sira hodi bele atinji metas  sira ne’e, atu nune’e bele hakbesik liután justisa ba povu.

Tuir Diretora Jerál-PJR, Ana Maria Pereira Carvalho hato’o ba PJR kona-ba kolokasaun osamentu tinan-2021 ne’ebé mak agora dadaun MP ezekuta hela. Tuir orsamentu ne’ebé mak Governu atribui mai MP ho kategoria haat mak hanesan, Saláriu no Vensimentu, Kapital Menór, Kapital Dezenvolvimentu, Bens no servisu. Infoma mós  prgresu konstrusaun edifísiu GSCCCO no Prokuradoria Distritál Lospalos.

Iha reuniaun ne’e PJR mós sei rona preukupasaun sira kada kargu xefia iha nasionál hodi hatene lolo’os  progresu no dezafiu saida mak  durante ne’e sira infrenta. (Media PJR).