Dili-Kuarta, loron-27, fulan-Marsu, tinan-2024, Prokuradór Jerál Repúblika Dr. Alfonso Lopez halo abertura iha Sessaun Briefing husi Sekretáriadu ASEAN-Divizasaun Tratadu, Diresaun Servisu no Akordu Jurídiku ba Ministériu Públiku Timor-Leste, ne’ebé maka hala’o iha Hotel Timor.
Objetivu Prinisipál husi sessaun briefing mak fornese husi Sekretáriadu ASEAN ne’e hodi fó vizaun jerál ba Kooperasaun Jurídika no Assitensia Jurídika Mútual iha kestaun penais ASEAN nian ba Prokuradoria Jerál Republika Timor-Leste.
Iha sesaun abertura ne’e PJR hato’o agrdese ba Diretór Jerál Ministériu Negósiu Estranjeiru no Kooperasaun (MNEK) ne’ebé iha kooperasaun di’ak ho MP bele realiza eventu ida ne’e, hodi nune’e Prokuradór Repúblika no Ofisiál Justisa sira bele entende di’ak servisu sira bainhira Timor-Leste tama ba membru ASEAN nian, tanba iha mundu globalizasaun ida ne’e ita presiza kooperasaun di’ak ho nasaun viziñu relasiona ho ita-nia servisu.
Nune’e mós Sekretária ASEAN Sendy Hermawati, esplika konaba modelu pedidu “Treaty on Mutual Legal Assistance in Criminal Matters (MLAT) nian ne’ebé mak sei utiliza entre nasaun ASEAN nian husi Sekretáriadu ASEAN, no regulamentu sira ne’ebé mak MLAT nian iha prosesu penál no oferese oportunidade ba Prokurdór Repúblika sira bele fó ideia, sujestaun, aprosima no oinsá mak nasaun membru sira bele konsulta entre Estadu Membru ASEAN no Timor Leste.
Partisipa iha sesaun abertura ne’e mak Adjuntu Prokuradór Jerál Repúblika Dr. Jacinto Babo Soares, Prokuradór Repúblika sira, Ofisiál Justisa no Diretora Jerál asuntu ASEAN – MNEK, Dra. Elisa Maria da Silva, ho Ekipa. (Media PJR)