Dili-Sesta, loron-08, fulan-Janeriu, tinan-2018, Prokuradór-Jerál Repúblika, Dr. José da Costa Ximenes hala’o enkontru ho Komisaun Anti-Korupsaun (KAK), Polísia Sientífiku no Investigasaun Kriminál (PSIK) no Gabinete Sentrál Kombate Korupsaun no Kriminalidade Organizada (GSKKKO) iha edifísiu PJR, Colmera.

Objetivu prinsipál husi enkontru ne’e mak hodi  hala’o avaliasaun kona-ba dezafiu sira ne’ebé mak instituisaun hirak-ne’e hasoru durante ne’e, no oinsá atu kontinua halo esforsu liután hodi kombate korupsaun no krime organizadu no sira seluk tan.

Iha biban ne’e, PJR husu mós ba KAK, PSIK no PNSIK tenki konsolida servisu hamutuk no haforsa an liután hodi kombate kriminalidade. No bainhira investigadór sira fraku, entaun, koruptór no kriminozu sei kontinua aproveita situasaun ne’e, ho dezafiu sira ne’e motiva nafatin ita hodi servisu ho profesionalizmu liután. (Media MP)