Dili-Tersa, loron-22, fulan-juñu, tinan-2021, Prokuradór-Jerál Repúblika, Dr Alfonso Lopez, enkontru ho Responsavél  Gabinete Kontensiozu Estadu, Dr. Pascásio de Rosa Alves no ekipa (SKE) enkontru ne’e hala’o iha sala enkontru PJR Colmera.

Iha enkontru ne’e hodi informa jenerikamente, liña programatiku prinsipál sira kona-ba mandatu PJR nian ho ninia planu espesifiku sira kona-ba Servisu Kontensiozu Estadu ne’ebé sei dezenvolve di’ak liután tuir planu anuál hirak ne’ebé prepara ona.

Servisu Kontensiozu Estadu iha matéria sívil, no administrativa ka, ba interese koletivu ka difuzu sira. Kompete ba nia liuliu atu, ezerse reprezentasaun Estadu iha Tribunál, hodi defende sira-nia interese patrimoniál sira, ezamina no akompaña forma no kompozisaun estrajudisiál ba konflitu hirak ne’ebé Estadu nu’udar interesadu no intervensaun iha asaun sira ne’ebé  finalidade ba defeza interese públiku, valór ka bens ne’ebé konstitusionalmente protejidu (hanesan, direitu ba ambiente moris  ida ne’ebé saudável no ekolojikamente ekilibradu, direitu ba kualidade bens no servisu konsumidu sira, direitu ba protesaun saúde).

Nune’e mós PJR heteten, liu husi servisu Kontesiozu Estadu atu bele halo nia intervensaun iha matéria sivil no administrativu, tributária no kontas, laiha prejuizu ba intervensaun iha matéria sivil no administrativu, iha intervensaun ida ne’ebé efetivu impulsionadora iha área fiskalizasaun ba despeza públiku sira no julgamentu konta sira nian, hodi promove responsabilizasaun finanseira bazeia ba auditóriu sira husi kámara kontas husi ema ne’ebé iha responsabilidade kona-ba jere osan no valór públiku sira seluk, hanesan  deternima husi lei no 9/2011, loron-17, fulan-Agustu kona-ba kompetensia orgamizasaun no funsionamentu kámara kontas nian.

PJR haforsa liután katak, formasaun kontinua iha área espesializadu sira ba majistradu SKE liuhusi identifikasaun ba nesesidade real sira husi formasaun nian no planu sira formasaun nian ne’ebé sei aprova iha KSMP. Kontinua reforsa asesoria hodi fó apoiu ba majistradu sira servisu iha área SKE nian “Sivil,finansas públiku no kontas no mós administrative/kontas”.

Prokuradór Repúblika na’in rua mak atualmente hala’o kna’ar iha Servisu Kontensiozu Estadu, no servisu sira sekretária nian asegura hosi Ofisiál Justisa nain rua. (Media MP)