Ermera, tersa, loron-14,  fulan-marsu, tinan-2023, Prokuradór Jerál Repúblika Dr. Alfonso Lopez, vizita kortezia ida ba Prokuradoria Repúblika Distritál Ermera, iha vizita ida ne’e hodi haree direita servisu majistradu, ofisial justisa no SATA sira nian servisu loron loron.

Iha vizita ida ne’e PJR orguillu ba servisu ne’ebé iha , ho nune’e vizita ida ne’e mós iha planu tolu mak PJR hateten kona-ba;  Promosaun, Formasaun no mobiliariu. PJR husu  ba majistradu, ofisial justisa no SATA, kontinua servisu ho profisionál  tuir lei haruka.

Iha fatin hanesa, Prokuradór Repúblika Dr. Simões Brites Seijas hateten katak; Prokuradoria Repúblika Distritu Ermera rejistu kazu ne’eb’e a’as liu mak hanesan; Violensia Domestika, tuir fali mak krime natureza sexuál, ofensas simples, omesidu, Dano simples no ameasas.

Informa mós kona-ba servisu kooperasaun, durante ne’e Prokuradória Repúblika Distritu Ermera, kordena  servisu di’ak tebes ho komandu PNTL Munusipiu Ermera  ho komandante investigadór sira hotu, koopersaun ida ne’e la difikulta  ami bainhira halo notifikasaun ruma ba área remotas.

Kona-ba formasaun PRDE husu ba PJR atu inklui mós Ofisiál Justisa nain-2 ninia prezensa iha formasaun ruma, iha nasionál. (Media-PJR)