DILI ─ iha Segunda, loron-11, fulan-Marsu, tinan-2019, Prokuradór-Jerál Repúblika Dr. José da Costa Ximenes halo enkontru ho Prezidente Repúblika Dr. Francisco Guterres Lú-Olo hodi informa kona-ba atividade mensál Ministériu Publiku nian.
Iha enkontru
ne’e Prokuradór-Jerál Repúblika Dr. José da Costa Ximenes informa kona-ba formasaun
ba kargu sekretáriu na’in-7 no eskrivaun Direitu na’in-11, formasaun ne’e rasik
hahú ohin, loron-11 to’o loron-29, fulan-Marsu, no iha sorin seluk CSMP hahú
mós halo prosesu avaliasaun ba Prokuradór na’in- 4 ne’ebé kompleta ona servisu
tinan-haat, nune’e, bele promove Prokuradór segundu klase sira ne’e ba primeira
klase, no CSMP mós komesa rekolla hela dadus Prokuradór sira nian, no espera
katak iha fulan-Maiu sira ne’e bele halo ona avaliasaun.
Aleinde
ne’e Prokuradór-Jerál Repúblika Dr. José da Costa Ximenes mós relata katak
Polísia nasionál Timor-Leste (PNTL) ho MP iha loron-21, fulan-Fevereiru, ka’er
sidadaun Indonézia na’in-11, hamutuk ho minarai litru 8.415 no gazolina litru
70 resin, ema sira ne’e uza bero ne’en hodi tula ilegalmente hosi Indonézia
tama mai Timor-Leste.
Arguidu sira la’os
foin mak ba dahuluk hala’o atividade illegál ne’e, maibé sira halo ona dala-rua
ka tolu ona, tanba ne’e tribunál Distritál Suai fó prizaun preventiva ba
arguidu hirak ne’e. (Media/PJR)