Dili-Tersa, loron-28, fulan-fevereiru, tinan-2023, Prokuradór Jerál Repúblika Dr. Alfonso Lopez asina akordu kona-ba inplementasaun ba projetu hamutuk ba igualdade, ho Programa Nasaun Unidas ba Dezenvolvimentu (PNUD). Sra. Munkhtuya Altangerel, liuhusi kooperasaun ida hodi hametin liutan servisu liuliu haree ba violenisa bazeia ba jeneru.PJR hateten agradese ba Programa Nasoins Unidas nian ba Dezenvolvimentu  – PNUD, iha ninia Reprezentante rezidente Dra. Munkhtuya Altnagerei ba asinatura Memorandu  Entendimentu ida-ne’e iha matéria ida importante tebetebes hanesan Violénsia ho Bazeia ba Jéneru – VBG.

Nune’e mós akordu ida foin asina daudaun ne’e sei permite ba Procuradoria-Jerál Repúblika atu implementa projetu «Hamutuk ba Igualdade» ninia objetivu mak atu halo prevensaun no resposta ba violénsia ho bazeia ba jeneru iha jéneru iha Timor-Leste, ba períodu ida fulan sanulu resin-rua ne’e nia laran.

Prokuradoria-Jerál Repúblika sei kontinua fó atensaun espesiál ba prevensaun no luta kontra violénsia ho bazeia ba jéneru, hodi realiza formasaun kontínua ba kapasitasaun no aperfeisoamentu  profisionál ba majistradu sira no rekursu umanu sira seluk no garante intervensaun espesializadu Ministériu Públiku nian iha ne’ebé volume demanda nian justifika no rekursu umanu sira ne’ebé permite.

Akordu ne’e sei iha posibilita, liuhosi asisténsia téknika, identifikasaun ba nesesidade sira no aperfeisoamentu iha área sira formasaun kontínua nian, ba organizasaun no ba adekuasaun institusionál iha matéria violénsia ho bazeia ba jéneru, tanba ne’e, iha potensialidade atu kontribui atu ita bele hetan hakarak hirak-ne’e.

Iha fatin hanesa Programa Nasaun Unidas ba Dezenvolvimentu (PNUD). Sra. Munkhtuya Altangerel hateten, sira nia parte kontente tebes bele marka prezensa iha fatin ida ne’e  hamutuk ho Prokuradór Jerál Repúblika. PNUD konsidera katak importante tebes atu servisu ho PJR tanba fatin ne’e fatin ba ema barak, ne’ebé presiza, liuliu feto no labarik feto sira ne’ebé hasoru violensia bazeia ba jeneru atu hetan asesu ba servisu ka asistensia legal no reprezentasaun importante tebes katak, ita presiza tebes sira liuliu sobrivivente sira husi violénsia bazeia ba jeneru.

Hamutuk ba igualdade (Together for Equality : Preventing an Responding to Gender-Bazed Violence in Timor-Leste) mk programa konjunta ida husi ONU, ne’ebé finansia husi KOICA no nia objetivu mak fó kbiit ba feto no labarik sira atu goza sira nia direitu prevene violénsia bazeia ba jeneru no fortaleja implementasaun polítika adekuadu sira hodi responde ba kestaun hirak ne’e. ho Objetivu hirak ne’e inklui mós fornese asesu ba ema kualidade servisu esensiál sira liuliu legal no fortalese implementasaun lei sira.

Nune’e mós PNUD husu ba Prokuradór Jerál Repúblika, hamutuk ho PNUD rekruta tan asesor nasionál ida hodi konsentra fó formasaun ba Prokurador no Ofisial Justisa define no implementa regras, orientasaun no prosedimentu foun hodi halo atendimentu no halo audensia ba vitima sobrevivente sira violénsia domestika nian, nune’e bele evita kualker risku. PNUD kontinua kompremete atu apoiu instituisaun justisa sira hodi promove asesu ba justisa no atinje objetivu ida ne’e hamutuk ho ita-nia parseiru nasionál no internasionál sira hotu.(Media MP)