Dili, Loron-15, fulan-Agostu, tinan-2023, Prokuradór Jerál Repúblika, Dr. Alfonso Lopez fó parabéns no kongratula ba Kargu foun sira ne’ebé simu tiha ona notifikasaun hosi Konsellu Superiór Ministériu Públiku (KSMP) iha loron-04, fulan-Agostu, tinan-2023, hodi asumi kargu xefia no Diretór, hodi ezerse responsabilidade iha servisu Apoiu Tékniku Administrativu (SATA) Prokuradoria Jerál Repúblika nian.
Iha enkontru entre kargu sira ho PJR hanesan mós Prezidente KSMP, iha liamenon PJR nian katak “ita boot sira nia kompromísiu mak atu fó atendimentu ne’ebé di’ak ba públiku, tanba ne’e eleva ita boot sira nia responsabilidade ne’e ho di’ak.
Iha biban ne’e mós PJR nafatin afirma ba kargu sira atu asumi responsablidade ho di’ak no professionál iha ida-ida nia servisu, tanba ne’e ita tenki rai di’ak segredu instituisaun nian, tanba molok ita servisu maibé liu hosi juramentu ida ba ita-nia ondra no rai lulik ida ne’e.
Aleinde ne’e, kargu xefia sira mós hetan formasaun direta hosi Asesór Internasionál Dr. Oscar Tavares hodi esplika klean liu tan konaba papél kada divisaun no seksaun ida-ida nian, tanba iha seksaun no divisaun balun foin ejiste, (Media PJR).