Dili-Sesta, Loron-23, fulan-Fevereiru, Tinan-2024, Prokuradór Jerál Repúblika (PJR), Dr. Alfonso Lopez partisipa enkontru ida ho Prezidente Repúblika Dr. José Ramos Horta, hamutuk ho Ministru Justisa (MJ) Dr. Sergio Hornai, Prezidente Tribunal Rekursu (PTR), Dr. Deolindo do Santos no Defensór Públiku (DP), Dr. Câncio Xavier, iha Palasiu Prezidente Bairupite.
Iha okaziaun ne’e, liu hosi komunikadu imprensa, Ministru Justisa reprezenta PJR, PTR no DP hodi hatete katak “iha enkontru ida ne’e ko’alia liu kona-ba situasaun jerál ba dezenvolvimentu aráa justisa nian iha Timor-Leste, no oinsá mak atu haree konaba planu estratéjiku sira aráa justisa nian komesa iha tinan-2011 to’o 2030, la’o to’o iha ne’ebé tanba sa seida’uk la’o ? lao karik razaun iha ne’ebé ? Koalia mos konaba provabilidade delegasaun kompenténsia ba iha Munisípiu tamba ita hakarak lori justisa hakbesik povu”.
Entertantu iha fatin hanesan Ministru Justisa hakturi liamenon Xefe Estadu nian katak, halo servisu hanesan timoroan hatudu ita nia patriotísmu no nasionalísmu hodi hatudu prestasaun servisu ida ho kualidade buka no adapta ita nia koñesimentu sira iha ita-nia kuadru operasionál sira, atu servisu ida ho kualidade ho nivél ida ne’ebé kualifikasaun atu bele responde ba iha sosiedade nia prekupasaun tantu iha direitu privadu, direitu kriminál no mós ba iha direitu sira seluk. (Media PGR)