Díli-loron-12,
fulan-Dezembru, tinan-2019, Prokuradór-Jerál Repúblika (PJR), Dr. José da Costa
Ximenes, hamutuk ho Adjuntu-PJR, Dr. Alfonso Lopes, hato’o relatóriu fulan-Novembru
nian ba Prezidente Repúblika (PR),
Francisco Guteres Lú-Olo, iha Palásiu Prezidente-Bairupite.
Iha enkontru mensál ne’e PJR informa katak, “ami halo
tiha ona primeiru interogatóriu ida ba
eis Padre hosi Norte Amerikanu, ho tinan 82, ne’ebé halo violasaun seksuál ba menoridade
iha Orfonatu ida iha oecusse, Tribunál aplika tiha ona medida koasaun ba
prizaun preventiva, dehan PJR hafoin ramta reuniaun ho PR.
Relasiona ho kazu Eis Padre nian ne’e PJR informa katak,
“horseik reprezentante hosi Roma hanesan
mós Prokuradór-Jerál Repúblika hosi Roma (Italia), hasoru ha’u hodi ko’alia
uitoan kona-ba kestaun responsablidade ema ida ninia, Roma fó apoiou atu
sistema judisiál Timor-Leste bele la’o no ka’er
prosesu ida ne to fin”, dehan PJR
Iha biban ne’e PJR foka mós kona-ba númeru prosesu ne’ebé
tama, “Iha nivél nasionál prosesu hotu
la’o normál, maske iha porsesu aumenta
uitoan ho gabinete Kombate korrupsaun nian, agora dadaun ita iha rihun tolu
resin, tanba prosesu tama mos barak ita finaliza mos barak, dala ruma iha
difikuldade uitoan kona-ba kuantidade majistradu ne’ebé ita iha”.
Aleinde ne’e PJR mós ko’alia kona-ba kazu asidente
trafiku ne’ebé hamate Nonato Lopes ho nia-oan Jonatan Lopes tanba hetan soke
hosi kareta privadu ne’ebé lori hosi Prokuradora ida nia-oan.
PJR rekuza informasaun ne’ebé dehan katak PJR mak fó
orientasaun atu liberta no aplika termu identidade rezidénsia (TIR) ba detidu,
nia hatete atu halo detensaun ka lae, ida ne’e kompetensia Prokuradór Turnu
nian, ha’u simu ona relatóriu hosi Prokuradór Turnu ne’ebé hatete “la fó
orientasaun para hasai suispeitu iha detensaun, tan ne’e, KSMP, sei halo
analiza profundu durante loron sanulu resin lima, hodi bele hatene “se mak
autoriza detidu ne’e sai hosi sela detensaun” (Media PJR).