DILI, Segunda, loron-06, fulan-junu, tinan-2022, Prokuradór Jerál Repúblika Dr. Alfonso Lopez, hato’o planu atu selebra akordu ho Kepala Kejaksaan Tinggi Nusa Tenggara Timur (NTT)lndonezia, Hutama Wisnu, S.H., M.H., hodi hamutuk kombate krime aktu brankeamentu kapital no finansiamentu terrorizmu ne’ebe ameasa transnasional iha nasaun sira iha mundu.
PJR hatutan liután katak, nune’e ita fó konvite espesiál ba Kepala Kejaksaan Tinggi Nusa Tenggara Timur (NTT)lndonezia, Hutama Wisnu, S.H., M.H., hodi mai partisipa seremónia aniversariu Ministériu Públiku nian ba dala-20 hafoin Restaurasaun Independensia, ida ne’e hanesan meiu ida atu aprosima sira atu hamutuk kombate krime transnasionál.
PJR hato’o akordu internasionál atu kombate krime transnasionál tanba aktu sira ne’e fó risku rua, hanesan laiha estabilidade finanseira no risku ba reputasaun nasaun nian. kuandu ema ruma hakarak naok osan Estadu no halai uluk ba ona nasaun seluk ita la konsege asegura, lta konsidera krime transnasionál no krime ida ne’e bele mosu minutu deit.
PJR hatutan Atu kombate krime ida ne’e, presiza akordu internasionál, tanba ne’e maka ita konvida (Kepala Kejaksaan Tinggi Nusa Tengara Timur), atu haree posibilidade bele halo akordu ida atu kombate krime transnasionál nia.
Iha fatin hanesan, Kepala Kejaksaan Tinggi Tengara Timur (NTT), Hutama Wisnu, S.H., M.H., agradese ba PGR ne’ebe konvida mai partisipa seremónia aniverariu PGR ba dala-20, hafoin Restaurasaun Independensia.
Kajati hatutan liután katak, Kona-ba estabelesimentu akordu kooperasaun krime transnasionál Timor-Leste ho lndonezia, parte rua seidauk konfirma ba malu, maibe iha nesesidade atu halo kooperasaun ne’e. (Media PJR)