Dili, Loron-01, fulan-Marsu, tinan-2024, Prokuradoria Jerál Repúblika (PJR) liu hosi seksaun pesoál selebra asina termu sertu ba funsionáriu kontratadu hamutuk na’in 14, kompustu husi feto na’in-8 no mane na’in-6, funsionáriu hirak ne’e PJR kontrata hodi apoiu hanesan Tékniku Administrativu hodi apoiu Servisu Administrasaun nian iha Prokuradoria Jerál Repúblika no Prokuradoria Primeira Instánsia Laútem nian.
Iha okaziaun ne’e, Adjunta Sekretáriu Jerál, Anabela da Costa Lesu, esplika katak funsionáriu sira tenke servisu ho pontualidade, obedese, iha Inisiativa rasik no tenke iha komunikasaun ne’ebé di’ak mak ho funsionáriu seluk nune’e mós instituisaun seluk.
Iha biban ne’e mós Koordenadora Administrasaun Jerál, Barbara Sarmento Baptis reforsa tan katak, Instituisaun Ministériu Públiku (MP) servisu haree liu ba prosesuál, tanba ne’e nudár funsionáriu iha instituisaun ne’e tenke kuida segredu instituisaun nian, nune’e mós mantein Étika no Dixiplina iha servisu fatin nune’e mós ita servisu hamutuk hodi atinze objetivu institusaun nian.
Hafoin termina tiha aprezentasaun no asinta kontratu, seksaun pesoál lori kedan funsionáriu sira fo koñementu ba divizaun no seksaun sira ne’eb’e estabele iha Prokuradoria Jerál Repúblika. (Media PGR)