Dili – Iha kuarta-feira, loron-03, fulan-Abril, tinan-2019, Prokuradór-Jerál Repúblika (PJR) Cabo Verde, Dr. Óscar Silva Tavares ho Adjunta Prokuradora-Jerál Repúblika (PJR) Portugal Dra. Joana Marques Vidal, hala’o vizita kortezia ba Prokuradoria-Jerál Repúblika Demokrátika
Timor-Leste iha Kolmera.
Iha vizita ne’e, Prokuradór-Jerál Repúblika
Timor-Leste (PJR), Dr. José da
Costa Ximenes esplika kona-ba
funsionamentu Ministériu Públiku ba Prokuradór-Jerál Repúblika (PJR)
Cabo Verde, Dr. Óscar Silva Tavares ho Adjunta Prokuradora-Jerál Repúblika (PJR) Portugal Dra. Joana Marques
Vidal.
Aléinde ne’e, Prokuradór-Jerál Repúblika Timor-Leste hato’o mós ba Bainaka espesiál
rua ne’e kona-ba funsionamentu gabinete 2 (rua) ne’ebé estabelese ona iha
Prokuradoria Jerál Repúblika iha fulan-outubru, tinan-2014 mak hanesan,
Gabinete Kontensiozu Estadu no Gabinete
Sentrál servisu Kombate Korrupsaun no Kriminalidade Organizada (GCCCO). Gabinete ne’e ho nia
majistradu nain-4 hodi haree
ba krime sira ne’ebé akontese iha ezersísiu funsaun públika nune’e mós ho kriminalidade
organizadu sira hanesan trafíku umanu, droga, brankeamentu kapitáis no Departamentu Kuradoria Menór no
Família. Departamentu
ne’e funsiona
iha Prokuradoria Repúblika Distritál sira ho nia funsaun haree liu ba menor-idade no violénsia doméstika
ne’ebé afeta ba família no labarik sira.
Iha fatin hanesan PJR mós esplika kona-ba servisu Administrasaun jerál iha
Ministériu Públiku (MP) hahú husi totál funsionáriu MP nian hamutuk nain-77,
Prokuradór nain-31, Ofisial Justisa hamutuk nain-96, ne’ebé fó apoiu tomak ba
servisu Ministériu Públiku nian.
Entretantu PJR-Timor-Leste mós informa ba PJR-Cabo Verde ho Adjunta-PJR Portugal nian
katak, Ministériu Públiku agora dadaun iha hela prosesu preparasaun ba Estatutu
foun ida, ne’ebé sei debate iha loron-05, fulan-Abril, tinan-2019 ne’e, ho objetivu atu rona Publiku nia hanoin. (Media PGR)