Den Haag – iha ámbitu Sesaun 20 Asembleia Estadu Parte sira nian, Prokuradór-Jerál Repúblika Timor-Leste ho komitiva, halo audiénsia ida ho Prokurador Tribunal Penal Internasional (TPI) Iha loron-9, fulan-Dezembru, tinan-2021.
Durante audiensia Prokuradór-Jerál Repúblika Timor-Leste, reafirma hikas disponibilidade Timor-Leste hodi kontinua halo kooperasaun ho Prokuradór TPI nian. Iha oportunidade ne’e husu apoiu mós ba Prokuradór TPI nian hodi faselita no apoiu material formasaun ba majistradu timoroan nian iha area kooperasaun judisiária internasinál nian.
Iha okaziaun hanesan Prokuradór TPI nian manifesta ninia disponibilidade hodi apoiu Prokuradoria-Jerál Repúblika Timor-Leste, liuliu iha material sira formasaun nian. Apoiu institusionál ida ne’e Prokuradór TPI nian sei disponibiliza liu husi asesoria jurisprudénsia ba material auxíliu judisiáriu mútuo nian. Aleinde ne’e Prokuradór TPI mós sei kovida majistradu timoroan hodi partisipa iha enventu sira hanesan konferénsia rejionál sira kona-ba kooperasaun judisiária nian no-mós formasaun sira seluk ne’ebé futuramente sei organiza husi Gabinete Prokuradór TPI nian.