Dili-Loron-13, fulan-Marsu, tinan-2023, Prokuradór Jerál Repúblika (PJR), Dr. Alfoso Lopes, enkontru ho Prezidente Repúblika (PR), Dr. Jose Ramos Horta, hodi relata movimentu prosesuál durante ne’e ba PR, iha Palasiu Prezidente Biru-Pite
“ohin asuntu importante makPJR mai halo enkontru ofisiál ho nai Prezidente Repúblika, hodi informa movimentu prosesuál, iha fulan-fevereiru hahu husi inísiu kazu mai husi fulan-Janeiru porsesu hamutuk 1895, pois kazu tama hamutuk prosesu 494, nune’e ita nia Prokuradór sira esforsu depois halo investigasaun remata, ida mak ita arkiva ida akuza, totál findus ka ramata iha nivél nasionál prosesu hamutuk 454 no trazitadu ba fulan oin prosesu hamutuk 1930”.
PJR akresenta tan katak, Timor-Leste atu tama ba Asean presija ita-nia sistema justisa tenki hametin, liliu independénsia Ministeériu Públiku (MP) nia Autonómia labele monu ba intervesaun politíka, ida ne’e maka nu’udar mensajen Xefe Estadu nian mai MP.
Iha enkontru ne’e mós PJR informa ba PR konaba formasaun no kapasitasaun ba majistradu sira iha MP, foin ita-nia majistradu MP, hetan apoiu hosi fundu União Europea liu husi Intitutu Camões mak organiza ita-nia Majistradu nain-6 desloka ba iha Universidade Coimbra-Portugal hodi tuir formação durante Semana-3, nune’e sira fila mai sei partilla matenek ne’ebé hetan ba ita-nia majistradu sira iha semana oin, nuene’e mós iha fulan-Abril ita-nia prokuradór nain-6 sei ba tuir tan formasaun iha Sentru Estudo Judisiáriu, (Media PJR).