Dili-kuarta, loron-16 , fulan-fevereiru, tinan-2023, Adjunta Prokuradoria Jerál Repúblika Dra. Remizia de Fátima da Silva, Inspetora Ministériu Públiku Dra. Angelina saldanha akompaña mós husi Prokuradór Repúblika Dr. Alfeo Moreira, no Xefe Gabinete-PJR, hodi halo diskusaun primeira alterasaun ba Lei Númeru 7/2022 Estatutu Ministeriu Públiku. Adjunta-PJR lori PJR nia fatin hato’o agradesementu ba konvite, hodi mai hato’o opiniaun balun kona-ba primeira alterasaun Lei Nú 48/V ne’ebé introdus alterasaun Lei Nú 7/2022 loron-19, fulan-maiu, Estatutu MP.
Iha fatin hanesan Adjunta-PJR mós husu disponibilidade ba deputadu sira hodi bele haree pareser alterasaun ba lei balun ne’ebé mak ekipa MP nian prepara ona hanesan tuir mai, Artigu 305 (Komisaun Rekrutamentu no Selesaun) altera 7, 8. no introdus tan númeru 13. Artigu 132, (Devér ba sijilu no rezerva), númeru 4,5. Artigu 133, (Devér sira autonomia, lealdade no objetividade nian). Artigu 32, (Rekezitu sira hodi dezigna ka eleje). Artigu 172 (Kritériu no efeitu klasifikasaun sira nian) númeru 2. Artigu 34 (Kapasidade eleitorál pasiva). Artigu 252 (Multa), Artigu 5 (Atribuisaun sira), artigu 30 (Difinisaun e funsaun), artigu 31 (Kompozisaun) Artigu 162 (Presupostu atu fó lisensa sein remunerasau), Artigu 113 (Kompeténsia).
Iha biban ida APJR hateten katak aproveita ho oportunidade ida ne’e iha posibildade ba alterasaun Estatutu MP, introdus tan norma tranzitoriu, Gabinete Sentrais, hodi bele kria kondisaun ida ho di’ak no presiza hadia tan artigu balu ne’ebé mak inkonstituisionál, presiza introdus, aumenta, hasai. no mós iha koresaun ba artigu balun.
Iha Audensia ne’e hala’o iha Komisaun A ne’ebé trata asuntu Konstituisionais no justisa, diskusaun ne’e diriji husi Prezidente komisaun A, Joaquim do Santos Boramuli, no partisipa masimu husi deputadu Bankada sira, FRETELIN, CNRT, PD KUNTO, PUDD, no akompaña mós husi vise Ministru Justisa. (Media-MP)