Maliana-Sesta, loron-22, fulan-Marsu tinan-2024, Koordenadór Prokuradoria Repúblika Primeira Instánsia Suai (PRPIS) Dr. Pascácio de Rosa Alves, Prokuradór Repúblika Dr. Nelson J. S. Magno no Sekretáriu Jerál-PJR Gil da Conceicão Savio, entrega motorizada hamutuk sanulu resin sia (19), Kareta ida, no Bero Ai ida, ba Seksaun Patrimóniu Estadu Munisípiu Bobonaru.
Iha serimónia entregra sasan hirak ne’e, Koordenadór PRPIS hateten Objetu aprendidus sira ne’e prende husi Polísia, Ministériu Públiku hala’o ezersísiu funsaun liga ho krime kontrabandu, nune’e mak Postu Administrativu Maliana krime kontrabandu as tebes. Motorizada hirak ne’e ita tenke deside ninia distiñu ba objetu hirak nune’e mak MP husu ba Tribunál atu bele fó perda afavór ba estadu. Tanba sasan hirak ne’e rai kleur mak valór ekonómiku ne’e bele tun fó impaktu ba ema atu hola no espasu atu rai sasan evidénsia sira mak la sufisiente ona.
Nune’e mós Diretór Patrimóniu Estadu Munisípiu Bobonaru, Mendes Salvador, dehan sira nia parte ohin simu ona evidénsia hirak ne’e, sasan hira ne’e ami sei halo jestaun tuir padraun património nian. Enkontru ne’e hala’o iha sala enkontru PRPI Bobonaru. (Media PJR)