Rede Prokuradór sira Antidroga Komunidade País sira Lia-portugés RPA-CPLP) nian hala’o tiha reuniauan dahuluk Iha Prokuradoria-Jerál Repúblika.
Ho koordenasaun hosi Prokuradoria-Jerál Repúblika Portugal nian Lidera Rede Kooperasaun Prokuradór sira Antidroga CPLP realiza tiha reuniaun dahuluk iha Lisboa, iha loron-4 to’o 6, fulan-dezembru, tinan-2019, kona-ba pontu kontaktu sira Rede Prokuradór Antidroga sira Komunidade País Lia-portugés (RPA-CPLP) nian, ne’ebé hola parte reprezentante hosi Prokuradoria-Jerál sira hosi Angola, Brazil, Cabu Verde, Guiné-Bissaun, Moçambique, Portugal, São Tomé e Principe, Timor-Leste no Rijiaun Administrativa Espesiál Macau, hosi Eskritóriu Nasoens Unidas kontra Droga no Krime (UNODC) no hosi Ministériu Justisa.
RPA-CPLP harii iha ámbitu hosi Enkontru Prokuradór-Jerál sira Komunidade País Lia-Portugés nian, ne’ebé realiza iha Brazília, iha loron-24, fulan-novembru, tinan-2018, nu’udar objetivu sira hodi troka informasaun intelijénsia nian, define pontu kontaktu sira, elaborasaun planu estratéjiku ida no estabelesimentu kuadru boas-prátikas ida (Hahalok di’ak sira).
Prokuradór Jerál sira-ne’e hosi País CPLP fó impumsu no prosegimentu ba tendénsia rejionál ida hosi tinan hirak ikus ne’e, hodi prokuradór sira buka solusaun ba kooperasaun sira seluk aleinde kooperasaun formál, hanesan kriasaun rede hirak ne’ebé forma hosi prokuradór sira espesializadu, ne’ené nu’udar pontu kontaktu ba sira-nia país, no atu oinsá bele kompleta no antisipa kooperasaun formál. Atu ne’ené bele Prokuradór sira ne’ebé mak dirije hela investigasaun kontaktu malu, hodi nune’e sei haforsa tan konfiansa ba malu no kontaktu sira diretu, realiza ho maneira informál no fleksível.