Dili, Loron-02, fulan-Abril, tinan-2024, Prokuradór Jerál Repúblika (PJR), Dr. Alfonso Lopez hamutuk ho ekipa, hala’o enkontru ida ho Ajensia Estadus Unidus Amerika ba Dezenvolvimentu Internasionál (USAID) ne’ebé mak lidera hosi Ms. Rebeca Robinson no Mr. Gerard Mosquera, hodi koalia konaba programa no Mekanismu Akuntabilidade no Integridade, Accountability and Integrity Mechanism (AIM). enkontru ne’e halao iha sala reuniaun PJR Colmera
Entretantu programa no mekanismu akuntabulidade no integridade ne’e ho objetivu atu reforsa intituisaun-xave sira, inklui autór governamentaís, parlamentár, sosiedade sivíl, atu haforsa kapasidade sistema demokrátiku TL hodi atinji ambiente ida inkluzivu, prosperu no saúdavel ba populasaun jerasaun foun ne’ebé sei kontinua aumenta.
Liu hosi biban ida ne’e mak USAID fó kontratu ba Dexis Consulting Group (Dexis) hodi servisu hamutuk ho sosiedade sivíl, Governu no Parlamentu Nasionál atu haforsa kapasidade estratéjia, institusionál, komunikasaun no koordenasaun kapasidade husi instituisaun xave akuntabilidade sira, espesialmente komisaun Anti-Korrupsaun, Provedoria Direitus Humanus no Justisa, Prokuradór-Jerál no Kámara Kontas. (Media PJR)